貧窮VS富裕(臺灣閩南語版) 文/賴雅麗 圖：王灝

     貧窮VS富裕

              散赤vs好額　文/賴雅麗 圖：王灝

有一工，有一個好額人，伊帶（tshuä）厝內的人參屘仔囝（ban-á-kiáⁿ ）到庄跤去參觀。因為伊想欲愛予屘仔囝知影啥乜叫做「散赤」，所以tshuä屘仔囝去庄跤，愛伊實際體會一下仔散赤人的生活。

佇一個真散赤的作穡人的厝裡蹛（住）了三工。

作穡人的囝仔（gín-á）愛負責飼畜牲仔，嘛愛負責訓練狗仔湊做田裡的工課。卜暗仔的時，為著欲儉水錢，作穡人的囝仔攏到附近的細條溪仔裡去洗身軀；暗時仔也無點電火，只會當歸家伙仔聚集佇暗趖趖的門口埕裡開講、談天說地。

當好額人 父仔子從庄跤返來了後，老父問屘仔囝講：「汝感覺這迣（tsuä）按怎？」

屘仔囝道講：「真好啊！阿爸！」

阿爸問講：「你看 有偌爾仔散？」

屘仔囝點頭講：「哪有！」

阿爸復問講：「曷（ah）無汝看著啥？」

伊應講：「我終歸尾仔即看著咱兜復佮散赤。」

屘仔囝繼續講：「咱只有一隻狗仔，但是 卻有六隻狗仔；彼六隻狗仔佇 囝仔的指揮下（ē），又聽話，又捌事誌。做 厝內的囝仔真颺（iāng）氣！」

「而且，咱只有一個游泳池，猶（iau）是佇花園中央；但是 有歸條溪，無盡無磅， 每一工攏會當不受拘束地耍水，咱兜卻只有我一個人拍澎泅（游泳）。」

「猶有，咱兜的花園只有一排進口的路燈，抑 卻是有滿天的金星； 每一工暗時攏會當開講，談天說地真歡喜，毋擱咱兜卻無人佮我答嘴古。」

「咱兜的空間只有到頭前的門口埕，但是 卻有規个天地的空間。」屘仔囝作了這個結論。

屘仔囝講煞，老父無言以對。

其實，人生在世，除了趁錢；復需要有家庭生活、有健康的身體、有興趣仝款的朋友，而且對人生抱著積極的態度，若安爾你則會通算是”好額人”！